BALLINA BreadCrumbTrailer Parashikimi i motit

Moti sot, parashikimi për nesër dhe për ditët në vijim, sipas IHMK (06.04.2014)

Sot mbi vendin tonë  ka mbajtur mot me diell dhe vranësira të cilat gjatë ditës u shoqëruan me riga shiu. Vlera minimale e temperaturës  u shënua 5 gradë C, kurse më e larta e ditës ka arritur në  17 gradë C. Ka fryrë erë nga ana e lindjes dhe verilindjes  me shpejtësi 1-6m/s.

 

Për nesër parashihet të mbajë mot me diell dhe vranësira të pjesshme, të cilat në jug të vendit do të shoqërohen me riga të dobëta shiu . Temperatura më e ulët do të lëvizin  ndërmjet  4 gradë C dhe  5 gradë C, kurse më e larta e ditës pritet të arrijë në 19 gradë C. Do të fryj erë nga ana e veriut dhe veriperëndimit me shpejtësi 1-4 m/s.

 

Dita e  marte do të shoqërohet me mot afërsisht të ngjashëm, me diell dhe vranësira të pjesshme. Temperaturat minimale do të lëvizin nga 4 gradë C në 5 gradë C, kurse maksimumet e ditës priten të arrijnë  deri 20 gradë C. Do të fryj erë e lehtë dhe mesatare nga  ana e veriut dhe verilindjes.

 

Të mërkurën do mbajë mot me diell dhe vranësira të cilat gjatë ditës vende- vende do të  shoqërohen me reshje shiu. Temperatura më e ulët do të luhatet në mes 5 gradë C e 7 gradë C, ndërsa më e larta e ditës do të arrijë deri në 16 gradë C. Do të fryj erë nga veriu dhe verilindja me shpejtësi 1- 7 m/s.

 

Të enjten do të mbajë mot me diell dhe vranësira të cilat në pjesën e dytë të ditës mund të shoqërohen me reshje shiu dhe zbrazje elektrike (vetëtimë dhe bubullimë). Temperaturat minimale do të luhaten në mes 3 gradë C dhe 5 gradë C, kurse më e larta e ditës do të arrijë në 15 gradë C. Do të fryj erë nga verilindja  herë-herë e vrullshme.

 

Nga dita e premte e deri të dielën do të mbajë mot me diell dhe vranësira të pjesshme. Temperaturat minimale do të luhaten në mes 3 gradë C dhe 5 gradë C, kurse maksimumet e ditës do të arrijnë deri në 21 gradë C. Do të fryj erë nga ana e jugut dhe jugperëndimit e lehtë dhe mesatare.

 

Ne tabelën vijuese janë paraqitur temperaturat minimale dhe maksimale për qytetet kryesore të Kosovës për ditën e sotme (06.04.2014) dhe parashikimi për ditën e nesërme (07.04.2014).

 

 

 

 

Prapa