24 February 2025
Agjencioni për Mbrojtjen e Mjedisit të Kosovës dhe Agjencia Suedeze për Mbrojtjen e Mjedisit kanë mbajtur takimin e parë lansues për fazën e dytë të bashkëpunimit në projektin “Ngritja e Kapaciteteve për Mbrojtjen e Natyrës dhe Përdorimi i të Dhënave Mjedisore” të financuar nga Agjencia Suedeze për Zhvillim Ndërkombëtar (SIDA).
Projekti është i organizuar në tri komponente kryesore: Menaxhimi i të Dhënave Mjedisore, Menaxhimi i Parqeve Kombëtare dhe Përgatitja për “Natyra 2000” dhe do të zbatohet në periudhën 2025 – 2027.
Ky projekt është bashkëpunimi i dytë radhazi pas projektit Ndërtimi i Kapaciteteve Mjedisore mbi përdorimin e të dhënave në Kosovë 2021-2024.
Pjesëmarrës në takim ku u diskutua mbi objektivat, aktivitetet dhe modalitetet e implementimit të projektit ishin përfaqësues nga Agjencioni për Mbrojtjen e Mjedisit të Kosovës, Agjencia Suedeze për Mbrojtjen e Mjedisit, Ministria e Mjedisit, Planifikimit Hapësinor dhe Infrastrukturës dhe Ambasada e Suedisë në Kosovë.
