Platforma digjitale për raportimin e të dhënave për mbeturina

17 September 2025

Agjencioni për Mbrojtjen e Mjedisit të Kosovës (AMMK) si institucion qëndror që ka përgjegjësi për hartimin dhe publikimin e raporteve mbi gjendjen e mjedisit, përmes  mbështetjen financiare të Bashkimit Europian dhe Qeverisë Gjermane përmes GIZ-së, ka lansuar platformën digjitale të raportimit vjetor të mbeturinave në Kosovë.

Kjo platofmë ka për qëllim lehtësimin e mbledhjes së të dhënave nga komunat e Kosovës rreth gjendjes së mbeturinave, dhe do ti shërbej AMMK-së, që të jetë në kontakt të vazhdueshëm me akterët raportues gjatë kohës së raportimit, të gjenerojë raporte të ndryshme mbi indikator të paracaktuar si dhe të ketë një pasqyrë të qartë në kohë reale gjatë tërë vitit mbi gjendjen e deponive ilegale në vend.

Platforma digjitale (https://arvm.rks-gov.net/) që është nën menaxhimin e AMMK-së, synon që të:

• Përmirësojë grumbullimin dhe analizën e të dhënave mjedisore (mbeturinave); 
• Mbështesë vendimmarrjen e bazuar në të dhëna; 
• Forcojë përpjekjet e Kosovës për ekonominë qarkore.